FGTM — Federación Galega de Tenis de Mesa Federación Galega
de Tenis de Mesa
Acceder
Tempada 2026/27

Últimas novidades

Ligas Descargas Web antiga Transparencia Proceso electoral
Competicións

Aberta a inscrición da 1ª xornada da Liga MalovTM

A primeira xornada da Liga MalovTM 26/27 disputarase o domingo 8 de novembro ás 16:00 h no Pavillón de Oroso, en Sigueiro.

Os clubs xa poden inscribir os seus xogadores dende a área privada da web, ata o luns 2 de novembro ás 14:00 h.

Para facilitar a inscrición, tedes dispoñible un titorial.

Cotas por xornada: gratuíta para os nados en 2017 ou despois, 1,50 € para os nados entre 2009 e 2016 e 2 € para os nados en 2008 ou antes. A inscrición confírmase ao pagar a factura que emite a FGTM.

Toda a información está na Circular nº 6 BIS 26/27.

Circulares

Circular 6 BIS 26/27 3ª División Galega Masculina e 1ª División Galega Feminina - Liga MalovTM

Publícase a Circular nº 6 BIS 26/27. Esta circular BIS adapta a Circular nº 06 da tempada 2026/2027, de data 1 de setembro de 2026, aos procedementos implantados na nova plataforma web da FGTM e actualiza o calendario de xornadas.

Publícase circular nº 6 da tempada 2026/2027 sobre 3ª División Galega Masculina e 1ª División Galega Feminina - Liga MalovTM.

  • Ver Circular nº 6 26/27 Anulado · substituído por unha versión posterior
Novas

Kuka García conquista o ouro mundial en Shanghái e leva o tenis de mesa galego ao máis alto

A Federación Galega de Tenis de Mesa (FGTM) felicita á galega Kuka García (Elvira García) polos excelentes resultados acadados no Mundial de Parkinson celebrado en Shanghái.

Kuka proclamouse campiona do mundo en dobres mixtos, xunto ao alemán Holger Teppe, tras vencer na final á parella chinesa, que partía como favorita. Ademais, conseguiu a medalla de prata en individual, nunha final integramente española na que se enfrontou a Nuria Santos, de León, e outra medalla de bronce en dobres femininos.

Desde a FGTM queremos trasladarlle os nosos parabéns por estes magníficos resultados, que son motivo de orgullo para o tenis de mesa galego.

Competicións

Liga galega de veteranos 2026/2027

Grupos definitivos da Liga Galega de Veteranos e solicitude de sedes

Publícase a distribución definitiva de grupos da Liga Galega de Veteranos 2026/2027.

Os clubs que o desexen poderán solicitar ser sede dunha concentración para xogar os encontros necesarios, enviando un correo a ligas@fgtm.es no que indiquen o local, o número de mesas dispoñibles, os horarios e as datas.

Poderán solicitarse sedes ata o sábado 31 de outubro ás 14:00 horas.

Datas dispoñibles:

  • 19 e 20 de decembro de 2026
  • 6 e 7 de febreiro de 2027
  • 13 e 14 de febreiro de 2027
  • 27 e 28 de febreiro de 2027
  • 20 e 21 de marzo de 2027
  • 27 e 28 de marzo de 2027

O resto dos encontros poderán xogarse na data e no lugar que acorden os equipos.

Listado provisional de equipos da Liga Galega de Veteranos con distribución en grupos.

Publícase proposta provisional de distribución de grupos para a liga galega de Veteranos 2026/2027.
Esta distribución é provisional, poderanse enviar composicións alternativas por mail a ligas@fgtm.es , ata o mércores 14 de Outubro ás 14:00 horas.

Informamos a todos os clubs de que se amplía o prazo de inscrición para a Liga Galega de Veteranos correspondente á tempada 2026/2027.

  • Nova data límite: Sábado, 10 de outubro de 2026 ás 14:00 h
  • A inscrición debe realizarse a través do formulario en liña (Google Sheets) correspondente a cada club.
  • É imprescindible enviar o xustificante de pagamento bancario a tesoreria@fgtm.es antes do remate do prazo para que a inscrición sexa admitida.
  • Cotas de inscrición: 20 € para o primeiro equipo e 15 € para o segundo e posteriores.
Novas

Axudas Muller e Deporte para árbitras e xuízas árbitras nacionais

A RFETM publicou a Circular nº 24 (tempada 2026/2027), coa que convoca axudas do programa Muller e Deporte para as mulleres que se presenten aos exames oficiais de arbitraxe:

  • Árbitra Nacional: 19 de decembro, previsiblemente en Valladolid. A axuda cobre a matrícula (40 €) e os gastos de desprazamento, aloxamento e/ou manutención.
  • Xuíza Árbitra Nacional: 19 e 20 de decembro, previsiblemente en Valladolid. A axuda cobre a matrícula (50 €) e os gastos de desprazamento, aloxamento e/ou manutención.
  • Árbitra Pre-internacional: 21 de novembro, en Madrid. Só cobre a matrícula (44 €), para as aspirantes que xa estean matriculadas.

Para solicitar as axudas dos exames nacionais hai que enviar a inscrición ao CTNA (ctna@rfetm.com), con copia a secretaria@rfetm.com, xunto co xustificante de pagamento da matrícula. Tamén hai que indicar o lugar de orixe, o medio de transporte e se se necesita aloxamento. Para o exame pre-internacional abonda con enviar o xustificante da matrícula a secretaria@rfetm.com.

As inscricións para os exames de Árbitra Nacional e Xuíza Árbitra Nacional deben chegar ao CTNA antes do 15 de novembro de 2026, a través do Comité de Árbitros da FGTM, segundo a Circular nº 11 da RFETM.

Animamos ás árbitras galegas a aproveitar esta oportunidade.

Circulares

Circular 1 BIS 26/27 Normativa sobre afiliación de Clubs e licencias federativas 26/27

Publícase a Circular nº 1 BIS 26/27, que substitúe á Circular nº 1 26/27. Esta nova versión completa e corrixe certos puntos da anterior circular.

Publícase circular nº 1 da tempada 2026/2027 sobre Normativa sobre afiliación de Clubs e licencias federativas 26/27.

  • Ver Circular nº 1 26/27 Anulado · substituído por unha versión posterior
Circulares

Circular 5 BIS 26/27 Normativa de Ligas FGTM

Publícase a Circular nº 5 BIS 26/27, que substitúe á Circular nº 5 26/27. Esta nova versión adapta os procesos á nova web da FGTM.

Publícase circular nº 5 da tempada 2026/2027 sobre Normativa de Ligas FGTM.

  • Ver Circular nº 5 26/27 Anulado · substituído por unha versión posterior
Circulares

Circular 2 BIS 26/27 Normativa actuación arbitral

Publícase a Circular nº 2 BIS 26/27, que substitúe á Circular nº 2 26/27. Esta nova versión completa e corrixe certos puntos da anterior circular.

Publícase circular nº 2 da tempada 2026/2027 sobre Normativa actuación arbitral.

  • Ver Circular nº 2 26/27 Anulado · substituído por unha versión posterior
Novas

Estreamos a nova web da FGTM

A nova web da Federación Galega de Tenis de Mesa xa está en funcionamento. Ademais de informar, www.fgtm.es é agora a plataforma dende a que xestionamos a tempada: licenzas, competicións, arbitraxes e facturación nun mesmo sitio.

Qué hai de novo?

  • Ligas ao día. Clasificacións, xornadas, resultados, actas, calendarios e rankings.
  • Área privada para clubs. Cada club pode tramitar as súas licenzas, descargar carnés e certificados, consultar as súas facturas, rexistrar resultados e solicitar cambios de encontro ou árbitro oficial.
  • Área para árbitros. Partidos designados e actas en liña.
  • Toda a documentación nun sitio. Noticias, circulares, descargas, Portal de Transparencia e procesos electorais.

Titoriais paso a paso

Para facilitar os trámites a clubs e árbitros, preparamos unha serie de titoriais en PDF, con capturas paso a paso, sobre os procesos principais da plataforma:

Os titoriais están sempre dispoñibles no menú «Titoriais» da parte superior da web, e iremos engadindo novos a medida que se incorporen máis procesos.

Esta é unha primeira versión e seguirá medrando. Se atopades algún erro ou tedes suxestións, escribídenos a secretaria@fgtm.es.