No día de hoxe publicáronse no taboleiro de anuncios da páxina web do Concello de Ferrol as Bases da XXIX Gala do Deporte Ferrolán (achégase o enlace). Os interesados en enviar algunha proposta poderán facelo a través do Rexistro Xeral no prazo de 15 días naturais a partir de mañá día 2-02-2024 no modelo que se atopa en dito taboleiro (anexo I).

https://www.ferrol.gal/Sede/TaboleiroAnunciosAmpliar/794

BOP_Premios.pdf

A Gran Gala do Deporte de Vigo e a súa Comarca está en marcha un ano máis para elixir ao mellor e á mellor do 2023 na categoría absoluta e tamén na promesa (Sub-19).

A FGTM admitirá propostas para o mellor deportista, masculino ou feminino de tenis de mesa durante o ano 2023 ou mellor promesa, masculina ou feminina de tenis de mesa.

As propostas deberán vis acompañadas do impreso adxunto debidamente cuberto.

O prazo de propostas remata o 10 de Febreiro ás 14:00 h.

Centos de xogadores pasarán por Pontevedra da man do tenis de mesa ao longo desta semana. O pavillón multiusos da Xunqueira de Pontevedra acollerá tres eventos de enorme relevancia, como son o Europa Trophy, as Previas ós Galegos Infantís e o Preestatal Pontevedra 2023, entre o 6 e o 10 de decembro. 

Nestes próximos días Pontevedra será o epicentro do tenis de mesa en Galicia grazas a tres citas que achegarán até a cidade a preto de medio millar de deportistas.
A primeira das citas, que se celebrará os días 6 e 7 de decembro, é a Europa Trophy. O evento internacional preséntase como unha competición na que están clasificados cinco equipos españois da Superdivisión, entre eles dous galegos: o Arteal Tm e o MontePorreiro TM.
Case de xeito simultáneo, celebraranse as previas ó Campionato Galego infantil Individual. Competición novedosa desta tempada que reunirá algúns dos mellores xogadores/as galegos da categoría. Desputarase o día 6 de decembro en sesión de tarde.
O día 8 de decembro iniciarase o Torneo Preestatal, na que chegarán competidores desde Aragón, Navarra, La Rioja, País Vasco, Asturias e Galicia. Buscarán obter tamén a súa clasificación para a seguinte fase da competición.
«Teremos a preto de 500 xogadores e xogadoras de todas as categorías, dispostos a dar a súa mellor cara co obxectivo de xogar o Torneo Estatal que se celebrará en Tarragona», explicou o alcalde, Miguel Anxo Fernández Lores. «Teremos catro días de deporte en Pontevedra, con unha boa representación galega e pontevedresa. Haberá un retorno económico evidente, ao ter que pernoctar aquí e só podo agradecerlle ao servizo de deportes a súa implicación e traballo, ademais do esforzo do propio club de Monte Porreiro e da Federación Galega de Tenis de Mesa, representada pola súa presidenta Nuria Castro».
O adestrador do Monte Porreiro, Nando Álvarez, agradeceu a aposta do Concello de Pontevedra polo tenis de mesa e as competicións deportivas, agradecendo tamén á Federación Galega decisión de escolleren Pontevedra para organizar un evento «tan importante como é o torneo Preestatal».
Por último, Nuria Castro explicou que na Federación estaban moi orgullosos de poder facer en Pontevedra o nomeado torneo. «Somos unha directiva nova, esta é a nosa primeira competición importante e cremos que está nas mellores mans», indicou. «Monte Porreiro é unha garantía, teñen experiencia e gana de traballar e só podemos agardar que todo vaia ben e que os galegos teñan sorte para clasificarse».

Ante as consultas recibidas, publicamos resúmen da normativa dos campionatos galegos 23/24. Recomendamos a lectura completa da normativa, e do apartado de cada Campionato en particular onde se detallan con máis detalle a normativa de cada un.

• Campionato Galego Adaptado: inscrición libre
• Campionato Galego Absoluto:
  1) Equipos masculino: 8 equipos
  2) Equipos feminino: 8 equipos
  3) Individual masculino: 32 xogadores
  4) Individual feminino: 32 xogadoras
  5) Dobres masculino: 16 parellas
  6) Dobres feminino: 16 parellas
  7) Dobres mixtos: 32 parellas
• Campionato Galego Veterano: inscricion libre
• Liga Galega de Edades/Campionatos Galegos por Equipos de idades (prebenxamín a sub23)
  1) Liga de Idades: inscripción libre
  2) Campionato Galego de Equipos: 6 equipos clasificados na liga de Idades
• Campionatos Galegos Individuais (prebenxamin a sub23): 
  1) Previas ós Campionatos Galegos Individuais (prebenxamin a sub23): inscrición libre
  2) Campionatos Galegos Individuais (prebenxamin a sub23): 16 mellores do ranking