A nova presidenta firmou onte pola mañá a acta de toma de posesión xunto coa Xunta Electoral.

Tralo anuncio do anterior presidente, José Luis Cabaleiro, de non optar á renovación do cargo; Nuria Castro será a primeira muller presidenta na historia da Federación Galega de Tenis de Mesa e gobernará a institución ata 2026 tras impoñerse na votación celebrada o pasado día 12 de decembro con 27 votos dos membros da asemblea xeral, por diante do outro candidato Manuel Pereiro (2 votos). A alta participación rexistrada, tanto nas votacións a membros da Asemblea Xeral, como na elección de presidente, nas que se bateron récords de participación na historia das eleccións á FGTM, é unha sinal de pluralidade e democracia, e amosa o bo momento do tenis de mesa galego.

Dende estas liñas, a nova presidenta quere aproveitar para dar un amplo agradecemento aos asembleístas que a apoiaron, así como aos moitos membros do tenis de mesa galego que nestes días puxéronse en contacto para amosar a súa boa disposición e apoio ó novo proxecto que comeza.

A partir da próxima semana terá lugar a primeira reunión da Xunta Directiva e daranse a coñecer os nomes que a conforman, así como o resto de integrantes do organigrama e equipo de traballo da nova FGTM.

Todos os membros da nova FGTM comezamos a traballar dende este intre con moita enerxía e ilusión. Intentaremos que o cambio de directiva sexa coa maior fluidez e rapidez posible, dentro das nosas posibilidades. Desexamos que esta sexa unha federación aberta, próxima e en constante comunicación cos seus afiliados. Quedamos á vosa enteira disposición para, entre todos, facer un tenis de mesa galego máis grande.

                                                                                                                              Felices Festas e Feliz Ano 2023

                                                                                                                   Federación Galega de Tenis de Mesa

Bo día,

 A petición da Asociación Galega de Xestión Deportiva (AGAXEDE), rogámosvos reenviar o cuestionario adxunto a todos os clubs pertencentes á súa federación, que servirá para dar o enfoque adecuado ao contido programático dun “Congreso sobre xestión deportiva”, que organizará a AGAXEDE coa colaboración da UFEDEGA. Devandito congreso pretende reunir a federacións e clubs en Santiago de Compostela, o 17 de marzo de 2023, co fin de analizar e debater as necesidades do Terceiro Sector do Deporte. Aquelas persoas que cubran e envíen o cuestionario antes do día 16 de xaneiro, dispoñerán dun desconto do 20% na cota de inscrición"

 Enlace do cuestionario:

 https://docs.google.com/forms/d/e/1FAIpQLScOEZVcQXqeUObLGCRHfFd8E1NYb8N5IsAp8sXXbDXc0lW6lg/viewform

 Moitas grazas

 Feliz entrada do ano novo!