Dous novos éxitos para o deportista lucense JOSÉ MANUEL ABELAIRAS LAVANDEIRA (CHISPI) ao conquistar senllas medallas de ouro nos XOGOS MUNDIAIS PARA POLICIAS E BOMBEIROS que se están a disputar en FAIRFAZ VIRXINIA (EE.UU). O deportista lucense logrou gañar no torneo individual en +de 50 anos, non perdendo ningún partido e xogando unha disputada final contra VLADIMIR MARKIN (KAZAKHASTAN ) que logrou gañar por 4/3. Con este mesmo compañeiro formando parella logrou o ouro na competicion de dobres, culminando asi un gran torneo. FELICITACIÓNS.
Pola súa banda os xogadores/as galegos/as participantes nos CAMPIONATOS DE ESPAÑA celebrados en Antequera, lograron os seguintes resultados:
- Ana Otero do Cidade de Narón, 3ª en Individual Pre-Benxamín
- Claudia Canay do Cidade de Narón, 3ª en Individual Alevín
- Belén Calvo do Arteal, 3ª en Individual Infantil
- Belén Calvo e Judith Cobas, do Arteal, Campionas de España en Dobres Infantís
- Anxo Iglesias da A.D. Vincios, 3º en Individual Infantil
- Javier Benito do Club Oroso, Subcampión Individual Sub 23
- Raquel Bonilla do Arteal, 3ª en Individual Sub 23
- Raquel Bonilla do Club Arteal, Campiona de España en Dobres Femininos Absolutos
- Raquel Bonilla do Club Arteal, 3ª en individual Absoluto
- Alberto Seoane formado nas filas do Club do Mar, Campión de España Discapacidade Física (Clase 6)
- O equipo do Infantil Feminino do Arteal, 3º clasificado
- O equipo do Sub 23 Feminino do Arteal, 3º clasificado
- O equipo do Sub 23 Masculino do Establecimientos Otero-Cambados, 3º clasificado
- O equipo Absoluto Masculino do Arteal, 3º clasificado.
A todos eles parabéns pola súa participación. Sen esquecer o resto de equipos e xogadores galegos que, aínda que sen os resultados nomeados, fan que o tenis de mesa galego vaia subindo o seu nivel medio, dentro do ámbito nacional.
